Денес во рамките на нашата соработка заедно со Националната федерација на фармери организиравме ZOOM конференција на која беа претставени наодите содржани во студијата на политики насловена „Влијанието на ковид-19 врз земјоделството, вклучувајќи и родова анализа.“
На настанот учество земаа претставници од ресорното Министерство за земјоделство, шумарство и водостопанство, Министерството за труд и социјална политика, претставници од организации, пратеници, како и жени фармери и фармери од сите региони на државата.
Воведни обраќања имаа Абдигалфар Синани, раководител на секторот земјоделство во МЗШВ, Ѓултен Мустафова, раководителка на секторот за еднакви можности во МТСП, извршната директорка на ЦИКП, Марија Ристеска и претседателката на НФФ, Васка Мојсоска.
Претставените наоди од истражувањето поттикна широка дискусија која очекуваме дека ќе придонесе кон надминување на проблемите преку вклучување на препораките и идеите во акциските планови, мерките и стратегиите кои се носат од страна на јавните институции, а во насока за поддршка на индивидуалните земјоделци. Дополнително, се потенцираше важноста идните мерки и јавни политики да бидат родово сензитивни и да одговараат на потребите кои ги имаат жените фармери и фармерите.
This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.