Во среда на 25.3.2026 во 18 часот во просториите на ЦИКП имавме предавање на м-р. Дениз Селмани на тема „Антициганизмот како специфична форма на расизам.„
Дениз Селмани е алумнус на Школото и е ко-основач на Институтот за истражување и анализа на политики – Ромалитико. Тој има долгогодишно искуство во управување со проекти, јавни политики, застапување и истражување, со посебен фокус на социјалната инклузија на Ромите, вработувањето, образованието и учеството на граѓанскиот сектор во процесите на донесување одлуки. Во својата работа активно придонесува кон развој и спроведување на иницијативи насочени кон јакнење на ромската заедница, унапредување на човековите права и следење на процесите поврзани со ЕУ интеграцијата.
