Во 10 општини во Македонија 13 организации се здружија во неформалната мрежа Чувар(к)и на јавно ќесе и со помош на родово одговорни буџетски алатки анализираа како се трошат јавните пари на локално ниво и даваат препораки како преку буџетот да се унапреди родовата рамноправност.Во присуство на претставници од Министерството за труд и социјална политика, Собранието на РМ и службеници од неколку општини, беа претставени 15-те родово-одговорни анализи на општинските буџети на Аеродром, Битола, Боговиње, Град Скопје, Ѓорче Петров, Маврово-Ростуше, Свети Николе, Струмица, Тетово и Штип. Анализите беа изготвени од страна на неформалната мрежа „Чувар(к)и на јавно ќесе“ кој претходно беа обучени за подготовка на ваков вид анализи. Анализите се подготвени во четири тематски области и тоа социјална заштита, семејно насилство, образование и вработување. Главна цел на анализите е да им се посочи на локалните самоуправи за постоењето на специфичните потреби и проблеми на жените и мажите, можните решенија и колку би чинеле истите. По ова, се очекува општините да почнат поинтензивно да го применуваат родовиот принцип при подготовката на програмите и општинските буџети, а со тоа и да ги прилагодат локалните политики по мерка на жените и мажите. Чувар(к)ите потпишаа и меморандум за соработка во иднина. За родово-одговорните буџетски анализи повеќе
This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.